Rated 5 out of 5
VocalReferences
Text
في تجارب تمر علينا وتعدي وفي تجارب تغير فينا اشياء كثيرة لدرجة ما نشوف الحياة بنفس الطريقة اللي كنا نشوفها فيها قبل… وتجربتي مع فهد كانت من هالتجارب.بصراحة التغيير اللي صار اكبر من اني اقدر اختصره بكلمتين. تغيرت نظرتي للحياة وطريقة تفكيري وتعاملي مع الناس وحتى الأشياء اللي احبها واستمتع فيها. مو لازم املك العالم عشان اكون سعيد يكفيني اني اكون سعيد في هالعالم واشوف كل الأشياء الحلوة اللي فيه.حتى علاقتي بالناس تغيرت. صرت افهم أكثر واحكم اقل واستوعب ان مو كل شيء يحتاج مني ردة فعل ومو كل شخص لازم احاول اغيره او انقذه. تعلمت إن فيه فرق بين انك توقف مع شخص وتحبه وبين انك تتحمل مسوولية حياته وتنسى نفسك . صرت احس ان حتى طريقتي في وجودي مع الناس اختلفت الطاقة اللي تطلع مني توصل لهم حتى من دون ما اتكلم. احيانا تحس إن الشخص ارتاح لك او ان وجودك خفف عنه او انك انعكست عليه بشعور حلو من دون ما تسوي شيء غير انك تكون على طبيعتك. بالنسبة لي شعور جميل جدا ان التغيير اللي اشتغلت عليه بداخلي ما عاد اثره مقتصر علي بل صار ينعكس على الناس اللي اقابلهم وأشاركهم جزء من حياتي.انا ما اقول اني وصلت لمرحلة فهمت فيها كل شيء ولا ان الحياة صارت خالية من التحديات لكن الفرق اني صرت اتعامل معها بوعي مختلف. صرت افهم نفسي اكثر وافهم مشاعري واعرف ان مو كل فكرة لازم اصدقها ومو كل شعور لازم اتصرف بناء عليه.اكبر تغيير صار ما انتظر العالم يتغير عشان اكون بخير صرت اشتغل على نفسي وعلى نظرتي للحياة وعلى الطريقة اللي اعيش فيها كل يوم. و الاجمل للحين اكتشف اثر هالتغيير في تفاصيل يومي في الأشياء صرت اقدرها وفي اللحظات اللي صرت استمتع فيها وفي الاثر اللي اتركه عند الاشخاص من دون ما اقصد.يمكن ما نقدر نغير كل شيء في العالم لكن نقدر نغير الطريقة اللي نشوفه فيها والطريقة اللي نعيش فيها.واحيانا هالتغيير لحاله يخلي الحياة اجمل بكثير مما كنا نتخيل.شكرا لكل شيء كان سبب اني أشوف الحياة بهالطريقة… ولسه الرحلة مستمرة
شكرااااا فهد جدا جدا ♥️🙏🏼